,,გადაეცით ვინმემ გუბაზს და თაკოს, თორემ შერცხვნენ გაუჰაიდერდათ დასავლეთის ვარსკვლავი” – სოსო მაჯავიძე

საკრებულოს ყოფილი დეპუტატი, სოსო მანჯავიძე:

,,შეიძლება გახსოვდეთ ჰაიდერის შიმშილობა თეთრ სახლთან, ამერიკული პერშინგების ევროპაში განლაგებას რომ აპროტესტებდა.
საბჭოთა საინფორმაციო საშუალებები ლამის ყოველდღე აკეთებდნენ რეპორტაჟებს.
თუ არ ვცდები, 200 დღე ,,იშიმშილა” და ბოლოს ანეგდოტების გმირი გახდა.
დაახლოებით ასეთი სურათი გვაქვს სააკაშვილის შემთხვევაში.
ჰაიდერი ვერ გამოდიოდა შიმშილობის სპექტაკლიდან, რადგან ამის გასამართლებელ მიზეზს ვერ პოულობდა. ბოლოს ყველას დაავიწყდა, აიყარა გუდა-ნაბადი და გაუჩინარდა.
სააკაშვილი, რომლის ,,შიმშილობის” მიზეზი და მოთხოვნა ვერავინ გაიგო, ასევე ვერ პოულობს ,,შიმშილობის” შეწყვეტის გასამართლებელ მიზეზს.
ჰაიდერივით გუდა-ნაბადს ვერ აიკრავს და გაუჩინარდება, რადგან პრეზიდენტად არის ნამუშევარი და თანაც ბოროტმა რუსმა ოლიგარქმა ციხეში გამოამწყვდია.
არადა, უკვე ყველაზე მართლმორწმუნე მიშისტებიც კი ირყევიან ეჭვთაგან, ვითარცა ლერწამნი ქართაგან ძლიერთა.
ისე, უფასო რჩევას მივცემდი ნაცებს..
სასწრაფოდ უნდა შეყარონ ყრილობა და სწორედ ყრილობამ, როგორც პარტიის უმაღლესმა ორგანომ, გადაწყვიტოს ბელადის მიერ შიმშილობის შეწყვეტის საკითხი.
რამდენ დამდუღრულ მიშისტს დაედება გულზე მალამო, რამდენი დამშვიდდება და დაოკდება!
ის ჩეგევარა ნაცებიც აღარ ამოყოფებენ თავს ციხეში ბელადის გვერდით.
მოკლედ, გადაეცით ვინმემ გუბაზს და თაკოს, თორემ შერცხვნენ გაუჰაიდერდათ დასავლეთის ვარსკვლავი და ეგ არის.”