ევროკავშირის რუსეთის მიმართ შემუშავებული სანქციების მეხუთე პაკეტი, გამოვლენილ ხვრელებს აღმოფხვრის, რომლებიც შეზღუდვების გვერდის ავლის შესაძლებლობას იძლევა. ამის შესახებ უკრაინის საგარეო საქმეთა მინისტრმა დიმიტრი კულებამ ტელემარათონის დროს განაცხადა. წერს Ukrinform-ი.
„დღეისთვის ევროკავშირმა სანქციების 4 პაკეტი აამოქმედა, პარალელურად ყოველდღიურ რეჟიმში მათი მოქმედების შედეგების შეფასება ხდება და სწორედ სანქციების მეხუთე პაკეტში, რომელსაც მალე მიიღებენ, დიდი ბლოკი გასული თვის განმავლობაში აღმოჩენილ ხვრელებს დახურავს, რომლებიც რუსეთის მხრიდან სანქციების გვერდის ავლის საშუალებას იძლეოდა“, – განაცხადა უკრაინის საგარეო საქმეთა მინისტრმა.
ქვეყნის პირველმა დიპლომატმა აღნიშნა, რომ ის პრეზიდენტ ზელენსკისთან ერთად იმ ქვეყნების ლიდერებსა და საგარეო საქმეთა მინისტრებს ესაუბრებიან, რომლებიც რუსეთმა, შესაძლოა სანქციების გვერდის ასავლელად გამოიყენოს. მათთან ერთად ამ ქვეყნებს ამერიკელი და ბრიტანელი პარტნიორებიც ესაუბრებიან, რათა სანქციების გვერდის ავლის შედეგები გაარკვიონ.
„დეტალებს ვერ გავამხელ, მაგრამ ვიტყვი, რომ პოლიტიკურ დონეზე ჩვენ ბევრი ასეთი გზა დავკეტეთ“, – აღნიშნა დიმიტრი კულებამ.
კომენტარები