სპეციალური პენიტენციური დეპარტამენტის ადვოკატს, გელა ნიკოლაიშვილს სასამართლო პროცესზე მიხეილ სააკაშვილის დაცვის მხარის მიერ წარმოდგენილ ნიმუშებთან მიმართებით კითხვები აქვს.
კერძოდ, ადვოკატის თქმით, არსებობს ეჭვები, რომ სააკაშვილის თმა და ფრჩხილები, რომლებიც ამერიკულმა ლაბორატორიამ ნიმუშები გახსნილ მდგომარეობაში მიიღო.
როგორც ნიკოლაიშვილმა ჟურნალისტებს თბილისის საქალაქო სასამართლოშო განუცხადა, ეჭვები მას შემდეგ გაჩნდა, რაც დოკუმენტში არ ჩაიწერა, რომ ლაბორატორიამ ნიმუში დალუქულ მდგომარეობაში მიიღო.
„ნიმუშებთან დაკავშირებით კითხვები იყო არა იმ მხრივ, რომ აშშ-დან დალუქული ჩამოვიდოდა თუ არა, ან მათ დალუქეს თუ არა – კითხვები იყო იმაზე, აქედან რომ მიიღეს ნიმუშები, დალუქული არ ყოფილა. ამ კითხვებზე ჩვენ პასუხი ვერ მივიღეთ. იმათ გამოგზავნეს დალუქულ მდგომარეობაში. როგორც წესი იწერება – „მივიღე დალუქულ მდგომარეობაში”, მაგრამ იქ წერია – „გახსნილი მდგომარეობა“. ანუ არ წერია „მივიღე“, „გახსნა“. ამიტომ არის ეს ეჭვები, რომ მათ გახსნილ მდგომარეობაში მიიღეს. ეჭვები ბუნებრივია, როდესაც დალუქული არ არის, ფრჩხილი, თმა თუ სხვა ნივთი, ბუნებრივია, ეჭვები ჩნდება, ვის ეკუთვნის ესა თუ ის თმა თუ ფრჩხილი“, – აცხადებს გელა ნიკოლაიშვილი.
კითხვაზე, ეჭვობს თუ არა, რომ წარმოდგენილი ნივთმტკიცებულებები არ ეკუთვნის მიხეილ სააკაშვილს, პასუხობს, რომ არ არის გამორიცხული.
„ბუნებრივია, ეს ეჭვი, დალუქულ მდგომარეობაში თუ არ არის, ნებისმიერ შემთხვევაში წარმოიშვება, სააკაშვილი იქნება, თუ ნებისმიერი სხვა“, – აცხადებს გელა ნიკოლაიშვილი და არ გამორიცხავს, რომ ამის დასადგენად ალტერნატიული ექსპერტიზა მოითხოვონ.“
კომენტარები