ეს ხომ არ შევარდა სადაც ხალხი იყო, ხალხი თვითონ წამოეგო ასე გამოვიდა, ჯობს გმირობა არ ჩავიდინოთ და ცოცხლები დავრჩეთ, მე არ ვაკნინებ მათ ვინც დასახმარებლად მივიდა, მაგრამ ფაქტია, რომ 10 ადამიანი სახლიდან გაუსვლელად მიიზიდა, მომზადებული არ არის საზოგადოება საგანგებო მდგომარეობისთვის, – ამის შესახებ გენერალმა გიორგი სურმავამ „პალიტრას“ ეთერში, საგარეჯოში მომხდარ ტრაგედიაზე საუბრისას განაცხადა.
გენერლის განცხადებით, მსგავსი ვითარებებისთვის საზოგადოების მოუმზადებლობაზე ის ფაქტი მეტყველებს, რომ ადამიანები თავის გადარჩენის ნაცვლად სხვადასხვა მიზეზებით დანაშაულის ადგილისკენ მიდიოდნენ.
„აღმოჩნდა, რომ ჩვენ საზოგადოება მზად არ ვართ ამისთვის. შუაღამისას, პატარა ქალაქში, საგარეჯოში 5 ადამიანს კლავს და ხუთს აზიანებს. არ მგონია, რომ სნაიპერი ყოფილიყო. ჩვეულებრივი იარაღია კალაშნიკოვი, მანძილები იყო დაახლოებით 50-100 მეტრი. არაფერი სნაიპერობა იმას არ სჭირდება, რომ 50-100 მეტრში ადამიანს მოარტყა. ეს ხომ არ შევარდა სადაც ხალხი იყო, ხალხი თვითონ წამოეგო ასე გამოვიდა, მესი გადასარჩენად მიდიოდა.
გარდაცვლილი გმირებიც არ არის საჭირო, ჯობია გმირობა არ ჩავიდინოთ და ცოცხალი დავრჩეთ. არ ვაკნინებ იმ ადამიანებს, ვინც დასახმარებლად მივიდა, მაგრამ ფაქტია, რომ შუაღამისას ადამიანმა თავისი სახლიდან მოიზიდა ეს 10 ადამიანი და ფაქტობრივად გაანადგურა სახლიდან გაუსვლელად. ზოგი ცნობისმოყვარეა, ზოგი გარბოდა პირდაპირ სროლის დირექტრისაზე და არა გვერდებზე და არა გვერდებზე, მომზადებული არ ვართ, საგანგებო მდგომარეობებისთვისაც არა ვართ მომზადებული“, – აცხადებს გიორგი სურმავა.
ცნობისთვის, 20 იანვარს, ღამის საათებში, საგარეჯოში, ერთ-ერთი კორპუსის აივნიდან შეიარაღებულმა პირმა ცეცხლსასროლი იარაღიდან სროლა დაიწყო.
გამოძიების ინფორმაციით, საგარეჯოში მომხდარი სროლის შედეგად დაჭრილია 5 პირი. გარდაცვლილია სულ 6 ადამიანი, მათ შორის, ერთი პოლიციელი და, ასევე, თავდამსხმელი, რომელმაც სიცოცხლე თვითმკვლელობით დაასრულა.
თავდამსხმელი საგარეჯოს მკვიდრი 49 წლის კაცია.
კომენტარები