“ეს არის ჩემი მთავრობის გამარჯვება, მეცხრე წელია, ქოცები აკეთებენ ყველაფერს რომ საქართველო გამტყუნდეს” – მიხეილ სააკაშვილი

საქართველოს მესამე პრეზიდენტის, მიხეილ სააკაშვილის განცხადებით, სტრასბურგის სასამართლოში რუსეთ-საქართველოს დავა, 2008 წლის ომზე, რომელიც საქართველოს გამარჯვებით დასრულდა მისი მთავრობის მეორე გამარჯვებაა. ამ თემაზე მან გადაცემა “დღის სტუმარში” ისაუბრა:

“ეს არის გამარჯვება საქართველოსთვის, ისტორიული სიმართლის დადგენისთვის, რომ საქართველო იყო მართალი და არის ცამდე მართალი და არის აგრესიის მსხვერპლი. მიუხედავად ივანიშვილის მთელი მცდელობებისა და მისი პატრონების მოსკოვიდან, რომ საქართველო გამოეყვანათ ომის დამწყებად, ოკუპანტად, დამნაშავედ, ეს ჩაუფლავდათ. ეს არის პირველ რიგში დამსახურება თინა ბურჯალიანის, ნიკა გვარამიასი, რომელიც მაშინ იყო ამ პროცესების ინიციატორი, გია ქავთარაძის, ზურაბ ადეიშვილის და ეს არის მეორე გამარჯვება ჩემი მთავრობის, ჩემი მთავრობის წასვლის შემდეგ.

პირველი გამარჯვება ჩვენ მოვიპოვეთ შუალედური, ჰააგის საერთაშორისო სასამართლოში, რომელიც შემდეგ წულუკიანის მცდელობით დავკარგეთ და ეს არის მეორე გამარჯვება ჩვენი მთავრობის…

მეცხრე წელია, ქოცები აკეთებენ ყველაფერს რომ საქართველო გამტყუნდეს. თუ ჰააგის სისხლის სამართლის სასამართლო გაამტყუნებს ქართველ სამხედროებს, ან ქართველ პოლიტიკურ ხელმძღვანელობას, ეს იქნება მათთვის ერთადერთი შანსი – ინტერპოლმა თავზე გადაახია მათი საქმეები, ე.წ. სისხლის სამართლის საქმეები და სხვა ვერაფერი მოახერხეს. ფიქრობენ რუსების და ლობისტების დახმარებით, იქნებ ჰააგაში მაინც გააკეთონ ეს საქმე. ბოლო 9 წელი ისინი რუსეთთან ერთად მუშაობენ…

წულუკიანი და ყველა დანარჩენი, ეს არის ის ხალხი, ვინც მუშაობს საქართველოს გამტყუნებაზე.”