“არჩევნებით დადასტურებული სანდოობით ცნობილი “ედისონ რისერჩი” დღევანდელი კვლევით 2 ოქტომბერს ხელისუფლების სრულ ნგრევას, მტვრევას, მსხვრევას პროგნოზირებს( ოცნების ნაღდი 25 % სწორედ ამას ნიშნავს)” – წერს რესპუბლიკელი დავით ბერძენიშვილი სოციალურ ქსელში.
მისი თქმით, რიცხვები ერთგვარად მოულოდნელია, მაგრამ კვლევა აჩვენებს, რომ მეორე ტურში გასვლის შანსი ისეთ პარტიბს აქვთ, რომლებიც ამას არ პროგნოზირებდნენ.
„ასე ღრმად დამალული რეალობა აღმოაჩინა და დაგვანახა? და გვარწმუნებს, რომ 2/3 მოქმედი ხელისუფლების ისეთი მოწინააღმდეგეა სინამდვილეში, რომ მას ამთავრებს ამ ოქტომბერში?ერთგვარად, მოულოდნელი რიცხვებია. ოპოზიციის მობილიზაციისთვის კია ფაქტორი.
მერებისთვის 50 პროცენტიან ბარიერთან ერთად რომ მაჟორიტარების ახალი, 40 პროცენტიანი ბარიერიც რომ უმნიშვნელოვანესია საკრებულოს კოალიციური ოპოზიციური უმრავლესობის მოსაპოვებლად, ახლა კი დაინახავენ და ისარგებლებენ განსაკუთრებით ისინი, ვინც ვერ ხედავდა და ვერ ხვდებოდა საჭიროებას ამ ცვლილების მიღებისას. სწორედ მათ აქვთ მეორე ტურში გასვლის დიდი შანსები, პირველ რიგში.
რომელიმე ოპოზიციურმა პატარა პარტიამ იმისგან მნიშვნელოვნად განსხვავებული შედეგი რომ მიიღოს არჩევნებში, ვიდრე კვლევა პროგნოზირებს, არა უშავს.
მთავარი კითხვა სხვაა – დადასტურდება თუ არა, რომ ” ქართული ოცნება” ოქტომბერში მთავრდება,” -წერს დავით ბერძენიშვილი.
საზოგადოებრივი აზრის გამოკითხვა ტელეკომპანია „ფორმულის” დაკვეთით კვლევითმა კომპანიამ „ედისონ რისერჩმა” ჩაატარა.
გამოკვლევის ფარგლებში, პირისპირ გამოკითხვის მეთოდით, ქვეყნის მასშტაბით გამოიკითხა შემთხვევითი შერჩევით შერჩეული საქართველოში მცხოვრები 1500 საარჩევნო უფლების მქონე 18 წლისა და მეტი ასაკის ადამიანი. გამოკვლევა 13 აგვისტო – 5 სექტემბრის პერიოდში ჩატარდა.
კომენტარები