ე.წ ადგილობრივ არჩევნებში მონაწილეობას არ განვიხილავთ, რეჟიმთან არ ვითანამშრომლებთ, – ამის შესახებ კოალიცია “ცვლილებისთვის” ლიდერმა ელენე ხოშტარიამ საგანგებო ბრიფინგზე ისაუბრა.
ოპოზიციონერმა პოლიტიკოსმა თქვა, რომ ოპოზიცია ახლა პრინციპულ ბრძოლაშია და ის პუნქტები ჩამოთვალა, რომლის შესრულებაც “ოცნების” ხელისუფლების შესაცვლელად არის მნიშვნელოვანი. მისი თქმით, საჭიროა საერთო ეროვნული პროტესტის გაგრძელება და ასევე ოპოზიციის საერთო სტრატეგიის გარშემო გაერთიანება.
კოალიცია „ცვლილებისთვის“ არის ერთ მუშტად შეკრული და განაგრძობს ბრძოლას რუსულ რეჟიმთან. განაგრძობს იმ შემართებით, რომელიც ჩვენ ვახეთ ჩვენი სამი ლიდერისგან : ზურა ჯაფარიძისგან, ნიკა მელიასან და ნიკა გვარამიასგან. მათ საკუთარი პრინციპული გადაწყვეტლებით, რომ არაფრის ფასად არ ითანამშრომლონ რეჟიმთან, ისინი დღეს არიან პატიმრობაში.
ეს არის ბრძოლის ნაწილი, იმიტომ, რომ რეჟიმთან თანამშრომლობა აძლიერებს და ახანგძლივებს ამ რეჟიმს. შესაბამისად, ისინი შიგნიდან, ჩვენ გარედან ვაგრძელებთ ამ პრინციპულ ბრძოლას.
პრინციპული ბრძოლა დგას სამ რამეზე:
ერთი, ეს არის საერთო ეროვნული პროტესტი, რომელიც უნდა გაძლიერდეს და ყველა აქტივისტმა უნდა იცოდეს, რომ ჩვენ, კოალიცია, ვართ მათ გვერდში. ყველა პოლიტპატიმარმა უნდა იცოდეს, რომ ვართ მათ გვერდში და გავაგრძელებთ მათი უფლებებისთვის ბრძოლას.
მეორე – ეს არის პოლიტიკური ერთიანობა, პოლიტიკური სპექტრის, ოღონდ ერთიანობა სტრატეგიული ამოცანის გარშემო, რეჟიმთან ართანამშრომლობის გარშემო. ამ ერთიანობას დღეს აქვს გამოწვევა, ეს არის ე.წ. ადგილობრივი თვითმმართელობის არჩევნები, რუსული რეჟიმის მიერ მოფიქრებული, გამოგონიი, ყალბი პროცესი.
ამიტომ, მე დიდ იმედს გამოვთქვამ, რომ ჩვენ ჩვენს პარტნიორებთან ერთად, პრეზიდენტთან ერთად, „ლელოსთან“ ერთად, ყველა ოპოზიციურ პარტიასთან ერთად, ჩვენ დავხურავთ ამ ფურცელს და ზუსტად ისევე პრინციპულად, როგორც პარლამენტში არშესვლით, კომისიათან ართანამშრომლობით დაიხურება ეს ყალბი თვითმმართველობის თემა და ვიქნებით ერთიანები ამ ბრძოლაში.
სწორედ ამ ართანამშრომლობით, არლეგეტიმაციით ამ რეჟიმის ჩვენ მივაღწევთ როგორც შიდა, ასევე გარე ზეწოლას რეჟიმზე, რაც საბოლოო ჯამში, მათ ჩამოშლის.
ჩვენ გუშინ ვნახეთ კვლევები, რომელიც ადასტურებს, რომ მაგალიტად, თბილისში 70% არის წინააღმდეგი ამ ყალბი პროცესის.
ამიტომ, მინდა, საზოგადოებამ იცოდეს, რომ ამ ბრძოლაში, სადაც ჩვენმა ლიდერებმა პრინციპული ნაბიჯი გადადგეს, კოალიცია „ცვლილებისთვის“ დგას ძალიან პრინციპულად, ერთ მუშტად შეკრული და ერთგული იმ ბრძოლის, რაც არის რუსების დამარცხება ჩვენს ქვეყანაში, – განაცხადა ელენე ხოშტარიამ.
თბილისში “ქართული ოცნების” რეიტინგი, 24,6%. ამ მონაცემებს სოციალური კვლევისა და ანალიზის ინსტიტუტი(ISSA) დღეს 15 ივნისს აქვეყნებს. კითხვაზე
ამ შაბათს რომ ადგილობრივი არჩევნები იყოს, რომელ პარტიას მისცემდით ხმას, შემდეგი არჩევანი რომ გქონდეთ, შედეგები ასე გადანაწილდა: (ალოკაცია)
ქართული ოცნება – 24,6%
კოალიცია “ცვლილებებისთვის” – 20,6%,
“გახარია საქართველოსთვის” – 17,2%,
“ძლიერი საქართველო” “ლელო – ხალისთვის” “მოქალაქეები” – 14,2% ,
“ერთიანობა- ნაციონალური მოძრაობა” – 13,9%
“გირჩი” – 3,7 %
სხვა პარტიები – 5,8%
საზოგადოებრივი აზრის კვლევაში 2000 რესპოდენტი მონაწილეობდა. შედგა პირისპირ ინტერვიუ. კვლევის საველე სამუშაოები განხორციელდა
2025 წლის 5-20 მაისის შუალედში. კვლევა განახორციელა სოციალური კვლევისა და ანალიზისინსტიტუტმა (ISSA), ამერიკულ ორგანიზაცია Rosner Research LLC – თან თანამშრომლობით.
კომენტარები