ძლიერმა წვიმამ გუშინ საღამოს დედაქალაქის გარკვეულ უბნებში პრობლემები შექმნა. უხვმა ნალექმა ყველაზე მეტად ჩუღურეთის რაიონი დააზარალა. დაიტბორა საავტომობილო გზები, საცხოვრებელი სახლების სარდაფები. საგანგებო სიტუაციების მართვის სამსახურმა თბილისის მერიასთან ერთად მოსახლეობას დახმარება დროულად აღმოუჩინა.
„დაახლოებით 200 სხვადასხვა სახის შეტყობინება შემოვიდა. გამგეობის ყველა თანამშრომელი შესაბამის სამსახურებთან ერთად მობილიზებული იყო, სატელეფონო კომუნიკაციების საშუალებით, ადგილზე გასვლით, მე თვითონაც რამდენიმე მისამართზე გახლდით. დაზიანების უდიდესი ნაწილი შეეხება ძველი, დაზიანებული, ამორტიზებული სახურავიდან ჩამოსულ წყალს, დაზიანებულ ჭერს, წაქცეულ ხეებს და ნახევარსარდაფული ტიპის ბინების დატბორვას“, – განაცხადა ჩუღურეთის რაიონის გამგებლის მოადგილემ, ავთო ნარიმანიძემ.
კომენტარები