დონბასის პრორუსმა სეპარატისტებმა მოსახლეობის საყოველთაო ევაკუაციის შესახებ ვიდეო ორი დღით ადრე ჩაწერეს. ინფორმაციას ამის შესახებ რადიო თავისუფლების რუსული სამსახური ავრცელებს.
დონეცკისა და ლუგანსკის მარიონეტული რეჟიმის ლიდერებმა ვიდეო 18 თებერვალს გაავრცელეს და ორივე მათგანი იყენებს სიტყვას – “დღეს”, თუმცა მეტამონაცემებიდან ირკვევა, რომ ვიდეო 16 თებერვალსაა ჩაწერილი.
დონეცკსა და ლუგანსკში მარიონეტმა ლიდერებმა მასობრივი ევაკუაცია გამოაცხადეს და მოქალაქეებს რუსეთში გამგზავრებისკენ მოუწოდეს. უკრაინის თავდაცვის სამინისტროს განცხადებით, ოკუპირებულ დონეცკში რუსული სპეცსამსახურები რამდენიმე სამოქალაქო ობიექტის აფეთქებასა და ამაში უკრაინის დადანაშაულებას აპირებენ.
დონეცკის მარიონეტი ლიდერის ბრალდებით, უკრაინის შეიარაღებული ძალები თავს იყრიან ოკუპირებული დონბასის შემოგარენში დამზად არიან თავდასხმისთვის. აქამდე, უკრაინის თავდაცვის მინისტრმა, ოლეკსი რეზნიკოვმა მიმართა ოკუპირებულ ტერიტორიებზე მცხოვრებ ხალხს და ხაზი გაუსვა, რომ უკრაინის შეიარაღებული ძალები თავდასხმას არ აპირებენ.
კომენტარები