აშშ-ის პრეზიდენტმა დონალდ ტრამპმა განაცხადა, რომ გენერალი კიტ კელოგი უკრაინაში სპეციალური წარმომადგენლად დაინიშნა. ტრამპის თქმით, კელოგი უკრაინის პრეზიდენტ ვოლოდიმირ ზელენსკისთან და ქვეყნის ხელმძღვანელობასთან პირდაპირ იმუშავებს.
ტრამპმა კელოგი “მაღალი ავტორიტეტის მქონე სამხედრო ექსპერტად” მოიხსენია და აღნიშნა, რომ მას უკრაინის ხელმძღვანელობასთან მჭიდრო და წარმატებული სამუშაო ურთიერთობა აქვს.
ტრამპის განცხადება:
“სასიამოვნოა გაცნობოთ, რომ გენერალი კიტ კელოგი დანიშნულია უკრაინაში სპეციალურ წარმომადგენლად. გენერალი კელოგი, მაღალი რანგის სამხედრო ექსპერტი, უშუალოდ იმუშავებს პრეზიდენტ ზელენსკისთან და უკრაინის ხელმძღვანელობასთან. მას მათთან კარგი სამუშაო ურთიერთობა აქვს და კარგად იცნობს. ვულოცავ გენერალ კელოგს!”
გენერალი კელოგი ადრე ეროვნული უსაფრთხოების საკითხებში მრჩევლად მუშაობდა და საერთაშორისო უსაფრთხოების სფეროში დიდი გამოცდილება აქვს.
კომენტარები