ქართველ ბლოგერს დომენიკ მანგოს (კუკური ბარამიძე) რუსეთის მიერ ანექსირებული დონეცკის ე.წ. უზენაესმა სასამართლომ 7 წლით პატიმრობა დაუსწრებლად მიუსაჯა.
პროკურატურის განცხადებაში ნათქვამია, რომ “სასამართლომ დაადგინა, რომ 2022 წლის მარტიდან აპრილამდე ბარამიძე მონაწილეობდა შეიარაღებულ კონფლიქტში, როგორც დაქირავებული ჯარისკაცი ქართული ეროვნული ლეგიონის მიერ”.
“მან გაიარა სამხედრო მომზადება მდებარე სასწავლო ბაზებზე, რომლებიც კიევში მდებარეობდა, სადაც შეიძინა საბრძოლო იარაღის მართვის უნარები, შეისწავლა შეიარაღებულ კონფლიქტში მონაწილეობისთვის აუცილებელი სტრატეგია, ტაქტიკა და მოქმედების მეთოდები.
ბარამიძეს გადაეცა ავტომატური ცეცხლსასროლი იარაღი, საბრძოლო მასალა, ფორმა და სპეციალური ტექნიკა, რის შემდეგაც მან მონაწილეობა მიიღო სამხედრო ოპერაციებში დნრ-ის უშიშროების წარმომადგენლებისა და რუსეთის ფედერაციის შეიარაღებული ძალების სამხედრო მოსამსახურეების წინააღმდეგ”, – ნათქვამია განცხადებაში და მითითებულია, რომ “ამ ქმედებებისთვის მან გასამრჯელოდ 310 ათას რუბლზე (3600 დოლარი) მეტი მიიღო”.
კომენტარები