დღეს თბილისს ამერიკელი კანონმდებლები ეწვევიან. კონგრესის დელეგაციას სენატორი ჯინ შაჰინი უხელმძღვანელებს. ვიზიტის დეტალები და ზუსტი დღის წესრიგი ჯერ უცნობია, თუმცა, ამ ეტაპზე ცნობილია, რომ შაჰინთან ერთად დელეგაციაში სენატორი რობ პორტმანიც იქნება.
შეხვედრაზე, სხვა საკითხებთან ერთად, განიხილება, როგორც 20 აპრილის შეთანხმების შესრულებასთან დაკავშირებული პროცესები, ისე ჩვენს რეგიონში არსებული გამოწვევები.
დელეგაცია შეხვდება პოლიტიკოსებს და სამოქალაქო საზოგადოებას. ამერიკის ახალი მთავრობის ადმინისტრაციის ფორმირების შემდეგ, ეს კონგრესის დელეგაციის პირველი სტუმრობაა.
ვიზიტს მმართველ გუნდში მნიშვნელოვანს უწოდებენ და პარტნიორი ქვეყნის მორიგ მხარდაჭერად აღიქვამენ.
კომენტარები