დღეს შვილის მკვლელობის საქმეზე დაკავებული დედის პროცესი ჩაინიშნება

დღეს ახალციხის რაიონულ სასამართლოში შვილის მკვლელობის საქმეზე დაკავებული დედის პროცესი უნდა ჩაინიშნოს.

საქართველოს პროკურატურამ, ბორჯომში, შვილის მკვლელობის ფაქტზე, 62 წლის ქალს, მ.პ.-ს ბრალდება განზრახ მკვლელობის მუხლით გუშინ წარუდგინა.

გამოძიების ცნობით, 2021 წლის 1 იანვარს, ღამის საათებში, საცხოვრებელ სახლში ურთიერთშელაპარაკების დროს, თ.პ-მ მოკვლის განზრახვით, დანის გამოყენებით, შვილს, ი.პ-ს გულმკერდის არეში ჭრილობა მიაყენა, რომელიც მიყენებული დაზიანებით ადგილზე გარდაიცვალა. მ.პ. 1-ელ იანვარს დააკავეს. მას ბრალდება საქართველოს სისხლის სამართლის კოდექსის 109-ე მუხლის მეორე ნაწილის ,,ვ“ ქვეპუნქტით (ოჯახის წევრის მიმართ განზრახ მკვლელობა) წარედგინა, რაც სასჯელის სახედ და ზომად 13-დან 17 წლამდე თავისუფლების აღკვეთას ითვალისწინებს.