“ერთიანი ნაციონალური მოძრაობა” ზუგდიდში საპროტესტო აქციისთვის ემზადება. მოქალაქეები პარტიის ოფისთან 20:00 საათზე შეიკრიბებიან.
ენმ-ის წევრი ანი წითლიძე ამბობს, რომ აქციაზე კონკრეტულ სამოქმედო გეგმას გააჟღერებენ.
“ეს არის აქციები სადაც ჩვენ არ დავიშლებით და ეს აქციები იქნება სისტემატიურად, მანამ სანამ ჩვენი მთავარი მოთხოვნა მიხეილ სააკაშვილის თავისუფლება არ იქნება დაკმაყოფილებული. ქართულმა ოცნებამ უნდა იცოდეს, დღეს ჩვენ გავაჟღერებთ კონკრეტულ გეგმას, მაგალითად ზუგდიდში, რას ვაპირებთ და როგორ ვაპირებთ, რომ იყოს წინააღმდეგობის კერა”, – თქვა ანი წითლიძემ.
აქციას სხვადასხვა ოპოზიციური პარტიების წარმომადგენლები უერთდებიან. დღესვე რუსთავის ციხესთან, 18:00 საათზე, საქართველოს მესამე პრეზიდენტის, მიხეილ სააკაშვილის მხარდამჭერი მორიგი აქცია გაიმართება.
კომენტარები