შეზღუდვების მოხსნის პირველი ეტაპი იწყება. მთავრობის დადგენილებით, დღეიდან სრულად დაშვებულია მსუბუქი ავტო ტრანსპორტით გადაადგილება და ტაქსების ოპერირება. მოძრაობა დასაშვებია მხოლოდ დილის 6 საათიდან საღამოს 9 საათამდე, კომენდანტის საათის ამოქმედებამდე.
თუმცა, ტრანსპორტის თავისუფლად გადაადგილდება არ ნიშნავს იმ შეზღუდვების მოხსნას, რომელიც დაწესებული იყო საქალაქთაშორისო გადაადგილებაზე და ასევე დიდი ქალაქების – თბილისის, ქუთაისის, ბათუმისა და რუსთავისთვის.
ამასთან, მთავრობა უშვებს 2-დღიან გამონაკლის დღეს და ხვალ ამ ქალაქებში შესვლა და გასვლა დასაშვებია მხოლოდ ფაქტობრივ საცხოვრებელ მისამართზე დასაბრუნებლად და არა სხვა მიზნებისთვის.
ამას გარდა, 29 აპრილიდან, თბილისში მცხოვრები მოქალაქეები, სასოფლო-სამეურნეო საქმიანობისთვის, ქალაქიდან საშვით გასვლას შეძლებენ დილის 6-დან რვა საათამდე, ხოლო დაბრუნებას – საღამოს 6-დან 7 საათამდე.
ნებართვის მისაღები ფორმა გარემოს დაცვისა და სოფლის მეურნეობის სამინისტროს ვებგვერდზე განთავსდება, რომელიც მოქალაქეებმა ქალაქიდან გასვლამდე 12 საათით ადრე უნდა შეავსონ. სპეციალურ ნებართვას სამინისტრო საჭიროების მიხედვით გასცემს.
კომენტარები