დადგება დრო, როდესაც ყველას მოგვიწევს იმის გაგება თუ, რა მოხდა სინამდვილეში – მაიკ პომპეო

დადგება დრო, როდესაც ყველას მოგვიწევს იმის გაგება თუ, რა მოხდა სინამდვილეში – ამის შესახებ აშშ-ის სახელმწიფო მდივანმა მაიკ პომპეომ განაცხადა.

მისივე თქმით, ბრალდების დრო კიდევ იქნება, დამნაშავე კი, პასუხს აგებს.

„ჩვენ გლობალური დებატები გვჭირდება. ძალიან მნიშვნელოვანია იმის გაგება, თუ როგორ და სად დაიწყო ეს ყველაფერი. ამჟამად კი, საჭიროა კონცენტრირება მიმდინარე სამუშაოზე, რათა კვლავ გავხსნათ ამერიკული და მსოფლიო ეკონომიკა. ბრალდებებისთვის დრო კიდევ დადგება“, – განაცხადა მაიკლ პომპეომ.

ცნობისთვის, აშშ-ში კორონავირუსით დაღუპულთა რაოდენობამ 23 000-ს გადააჭარბა, დაინფიცირებული კი, 581 000 ადამიანია. ყველაზე მეტი ფატალური შემთხვევა ნიუ-იორკის შტატშია დაფიქსირებული, სადაც 10 000-ზე მეტი ადამიანია დაღუპული.