უკრაინის თავდაცვის სამინისტრომ დაადასტურა, რომ კიევის ობოლონის რაიონში რუსული დივერსიულ–სადაზვერვო ჯგუფი მოქმედებს. მანამდე ამის შესახებ თვითმხილველები და მედია საუბრობდნენ.
“ვთხოვთ მოქალაქეებს გვაცნობონ ტექნიკის გადაადგილების შესახებ. მშვიდობიან მოქალაქეებს სიფრთხილისკენ მოვუწოდებთ. არ დატოვოთ სახლები“– ნათქვამია განცხადებაში.
უწყებამ ასევე თხოვა მოქალაქეებს დაამზადონ “მოლოტოვის კოქტეილები“ მოწინაამდეგების გასაუვნებელყოფად.
მედიის ინფორმაციით ობოლონის რაიონში მუდმივი აფეთქებების ხმა ისმის.
მანამდე სოციალურ ქსელებში გავრცელდა ვიდეო, რომელზეც სავარაუდოდ ობოლონში რუსული ტექნიკის გადაადგილებაა ასახული.
რუსეთმა უკრაინაში მასობრივი, სასტიკი ომი 24 თებერვალს დაიწყო, რასაც, უკრაინის მთავრობის ინფორმაციით, 137-ზე მეტი სამხედრო და სამოქალაქო პირი ემსხვერპლა. გარდა ამისა, განადგურებულია არაერთი რუსული სამხედრო თვითმფრინავი, ჯავშანმანქანა და ვერტმფრენი.
რუსეთმა 25 თებერვალს, გამთენიისას, დაიწყო კიევის დაბომბვა.
კომენტარები