აშშ-ის ცენტრალური სადაზვერვო სამმართველოს ყოფილი ოფიცერი რობერტ დევიდ სტილი, რომელიც პანდემიას მისტიფიკაციას უწოდებდა და ვაქცინაციის წინააღმდეგ გამოდიოდა, COVID-19-ით გარდაიცვალა. ინფორმაციას The Independent ავრცელებს.
სტილი ფლორიდას შტატის საავადმყოფოში გადაიყვანეს, სადაც ის კოვიდვაქცინაციის საწინააღმდეგო მოძრაობის მხარდასაჭერად ჩავიდა.
ის ამაყად ამბობდა, რომ კორონავირუსის პანდემია არ არსებობს.
ინფიცირებული აშშ-ის ცენტრალური სადაზვერვო სამმართველოს ყოფილი ოფიცერი იმედოვნებდა, რომ უახლოეს დღეებში გამოჯანმრთელდებოდა. მისი კოლეგა, შეთქმულების თეორიის მიმდევარი მარკ ტასი აცხადებს, რომ მისი მეგობრის გარდაცვალება საეჭვოა და უშვებს, რომ ის შეთქმულების მონაწილეების მხრიდან “თავდასხმის” მსხვერპლი გახდა.
“ისინი რესპუბლიკელი გუბერნატორის რონ დესანტისის საქმიანობას უთხრიან ძირს”, – განაცხადა ტასიმ, თუმცა ვერც მტკიცებულებები მოიყვანა, ვერც განმარტა, კონკრეტულად რატომ ცდილობენ შეთქმულების მონაწილეები გუბერნატორისთვის ხელის შეშლას.
კომენტარები