,, ჩამოშვებული ცხვირები ავწიოთ ზევით, ერთი კარგად გამოვიძინოთ და მომავალს მივაწვეთ” – ნინო ჯანგირაშვილი

ჟურნალისტი, ,,კავკასიის” დირექტორი ნინო ჯანგირაშვილი:

,,კარგია, რომ რაღაცეების ამოთქმა დაიწყო ხალხმა. ყველაფრის ბოლომდე თქმა და გააზრება ნიშნის მოგებისთვის არ გვჭირდება. რა დროს ეგ არის. ახლა მოცემულობაა ისეთი, რომ დიდი, სერიოზული ბრძოლა მოგვიწევს. მე პირადად მინდა ვიცოდე, ამ ბრძოლაში ვის შეიძლება ვენდო და ვის არა. ვისი იმედი შეიძლება მქონდეს და ვისი არა. ბევრი რამე რომ უკუღმა კეთდებოდა ვიცოდით, მაგრამ მაინც იმედს ვიტოვებდით, იქნებ “შემთხვევით მაინც გაგვემარჯვა“. შემთხვევით გამარჯვება არ გამოვა, როცა მეორე მხარეს კარგად ორგანიზებული ბოროტება დგას. გამარჯვება უნდა გამოვჭედოთ დიდი შრომით და ბრძოლით. შევეგუოთ ამას, ჩამოშვებული ცხვირები ავწიოთ ზევით, ერთი კარგად გამოვიძინოთ და მომავალს მივაწვეთ.”