ავსტრალიის მოქალაქის, შანე ბრუკის მკვლელობის ბრალდებით დაკავებული რაფაელ მურსაკულოვი დუმილის უფლებით სარგებლობს და ბრლს არ აღიარებს. ადვოკატის თქმით, ის გარდაცვლილს არ იცნობდა და არანაირი შეხება არ ჰქონიდა.
“ბრალს არ აღიარებს, დუმილის უფლებას იყენებს. კონკრეტულად ბრალი ჯერ ოფიციალურად არ წარგვდგენია, არ გავცნობილვართ რა ფორმალური საფუძვლებია შიგნით, რას გვედავება. რაც შეეხება კითხვას, იცნობდა თუ არა, ის აცხადებს, რომ მას არ იცნობდა, არანაირი შეხება არ ჰქონია მაგ პიროვნებასთან.
ქართული ოცნების აქტივისტი იყო”, – თქვა ადვოკატმა, სოფიო გოგლიჩიძემ.
33 წლის კაცი სამართალდამცველებმა მოსამართლის განჩინების საფუძველზე 8 სექტებმერს აიყვანეს. გამოძიების ინფორმაციით, მურსაკულოვის კვალი მისი დნმ-ის პროფილის ექსპერტიზის შედეგად გამოიკვეთა. ამოღებულია დანაშაულის იარაღი – დანა.
33 წლის მურსაკულოვი “ქართული ოცნების” აქტივისტი და ერთ-ერთი საოლქო კომისიის წევრია. ცნობილია, რომ ის წარსულში ნასამართლევიცაა.
„მთავარი“
კომენტარები