გოგი წულაია პატიმრობაში დარჩა. საქალაქო სასამართლოს მოსამართლემ ბრალდების მხარის შუამდგომლობა დააკმაყოფილა.
პოლიტიკოსი სექსუალური ხასიათის დანაშაულს არ აღიარებს. პროცესზე მის გათავისუფლებას ადვოკატი 5000 ლარიანი გირაოს სანაცვლოდ ითხოვდა.
“არანაირი სამართლებრივი საფუძველი არ გააჩნდა პროკურატურას ამ ბრალდების დასამტკიცებლად. ალკოტესტი ჩატარებულია და განმარტება მივიღეთ, რომ გაფუჭდა აპარატურა, რომელმაც პირველი ალკოტესტი ჩაატარა. ვთვლი, რომ ეს არის გაყალბება.
გამოქვეყნდება ვიდეოჩანაწერი და დარწმუნდებით, რომ სექსუალურ მოტივაციაზე საერთოდ არ არის ლაპარაკი. ბოდიშს ძალადობის გამო არ უხდის, ბოდიშს უხდის კოცნის გამო, რომ ლოყაზე აკოცა და ამის გამო 6 წელი ელოდება პატიმრობა,”- აცხადებს გოგი წულაიას ადვოკატი ვალერი გელბახიანი.
გამოძიების ინფორმაციით, წულაია აიყვანეს თბილისში ერთ-ერთი ნაქირავები ბინიდან. პოლიცია მსხვერპლმა ასმათ დვალიშვილმა გამოიძახა.
კომენტარები