რუსეთი არ დგას უკრაინული მარცვლეულის ექსპორტის ბლოკირებისა და შესაძლო გლობალური სასურსათო კრიზისის უკან – თქვა პრეზიდენტმა ვლადიმერ პუტინმა და ასეთ ბრალდებებს “ბლეფი” უწოდა სახელმწიფო ტელეარხ “Russia-1”-თან ინტერვიუში.
„ეს ბლეფია. და აგიხსნით რატომ. მსოფლიოში წელიწადში დაახლოებით 800 მილიონი ტონა ხორბალი იწარმოება. გვეუბნებიან, რომ უკრაინა მზად არის 20 მილიონი ტონა ექსპორტისთვის. ეს მხოლოდ 2,5%-ია“, – განაცხადა პუტინმა ინტერვიუში.
მან მსოფლიოს შესთავაზა, რომ უკრაინული მარცვლეული მსოფლიოს ბაზრებზე დუნაის, პოლონეთის ან თუნდაც ბელორუსის გავლით გავიდეს. ან ბერდიანსკისა და მარიუპოლის პორტებიდან, რომლებიც, რუსი დიქტატორის თქმით უკვე განაღმულია.
ცნობისთვის, მსოფლიოს ლიდერები განგაშს აცხადებენ, რადგან რუსეთის მიერ უკრაინის პორტების მრავალთვიანი ბლოკადა ზრდის გლობალური სასურსათო კრიზისისა და შიმშილის რისკს მსოფლიოს ზოგიერთ ნაწილში.
კომენტარები