აშშ-ის ყოფილი პრეზიდენტი ბარაკ ობამა აფრიკაში „ნაციონალური საკალათბურთო ასოციაციის“ (NBA) წარმომადგენლობის სტრატეგიული პარტნიორი გახდა. ამის შესახებ ინფორმაცია NBA-ის ოფიციალურ გვერდზე გავრცელდა.
შეთანხმების ფარგლებში ობამას კომპანიის NBA Africa აქციების მინორიტარულ პაკეტს მიიღებს.
„აფრიკაში კალათბურთს შესაძლებლობების, უფლებებისა და თანასწორობის გაფართოებას შეუწყობს ხელს. როგორც პრეზიდენტმა და ფონდის დამფუძნებელმა, მიზნად დავისახე აფრიკიდან ახალგაზრდა ადამიანების ჩართვა, ვინაიდან ამ კონტინენტზე ახალგაზრდობის ყველაზე დიდი პროცენტული მაჩვენებელია და ეს თაობა მზადაა პოზიტიური ცვლილებებისთვის“, – განაცხადა ობამამ.
მიმდინარე წლის მაისში NBA-მ ოფიციალურად ჩამოაყალიბა აფრიკული წარმომადგენლობა და „აფრიკის საკალათბურთო ლიგა“ (BAL) დააარსა, რომლის პირველი გამარჯვებულიც ეგვიპტური „ზამალეკი“ გახდა.
კომენტარები