შალვა გულუა, რომელსაც პოლიცია რამდენიმე დღეა ეძებს, სახლში დაბრუნდა. როგორც შსს ავრცელებს ინფორმაციას, გულუა უკვე გამოკითხულია, თუმცა გარემოებების შესახებ ყველა დეტალი უცნობია. შსს-ში არ აკეთებენ კომენტარს, თუ სად იმყოფებოდა აქამდე გულუა და რატომ იყო გაუჩინარებული.
შალვა გულუა იმ სადისტრიბუციო ავტომობილის მფლობელია, რომელიც 21 დეკემბერს სამეგრელოში გადავარდნილი ნახეს და ნატყვიარიც ეტყობოდა. ერთ-ერთი ვერსიით, აღნიშნული ავტომობილით ბადრი ესებუა გადაადგილდებოდა. ავარიის შემდეგ ავტომობილის მეპატრონე გულუა გაუჩინარდა და მის პოვნას ვერავინ ახერხებდა.
შალვას დედამ პოლიციას გულუას დაკაგვის გამო ოფიციალურადაც მიმართა და მისი ძებნა 23 დეკემბერს დაიწყო.
რაც შეეხება ესებუას, ამ დრომდე ისევ უცნობია, თუ სად იმყოფება საქართველოს ბანკზე თავდამსმხელი, პოლიციას ის რამდენჯერმე უკვე გაექცა.
კომენტარები