ჩაქვის გვირაბში ავტოსაგზაო შემთხვევის შედეგად 2 ადამიანი დაიღუპა, ერთი კი დაშავდა.
გავრცელებული ინფორმაციით, ადგილზე გვიან ღამით ერთმანეთს მსუბუქი ავტომობილი და სატვირთო შეეჯახნენ, რის შემდეგაც ხანძარი გაჩნდა. სასწრაფო დახმარების ეკიპაჟს ორი ადამიანი გარდაცვლილი დახვდა, 1 კი საავადმყოფოში გადაიყვანეს.
როგორც “მთავარი არხის” ვებგვერდს შსს-ს საზოგადოებასთან ურთიერთობის სამსახურში განუცხადეს, მომხდარზე გამოძიება სსკ-ის 276-ე მუხლის მე-8 ნაწილით მიმდინარეობს (ტრანსპორტის მოძრაობის უსაფრთხოების ან ექსპლუატაციის წესის დარღვევა, რამაც ორი ან მეტი ადამიანის სიცოცხლის მოსპობა გამოიწვია).
კომენტარები