საზოგადოებრივი მაუწყებლის აჭარის ტელევიზიისა და რადიოს დირექტორი ვლადიმერ ტატიშვილი თანამდებობიდან გადადგა.
ამის შესახებ ინფორმაცია საზოგადოებრივი მაუწყებლის სამეურვეო საბჭოს სხდომაზე გახდა ცნობილი, სადაც საბჭოს თავმჯდომარემ ვასილ მაღლაფერიძემ წევრებს ტატიშვილის წერილი გააცნო და ცნობად მიიღო.
აჭარის ტელევიზიის დირექტორის მოვალეობას ვლადიმერ ტატიშვილის პირველი მოადგილე ეკატერინე შაინიძე შეასრულებს.
ვლადიმერ ტატიშვილი სამწლიანი ვადით 2022 წლის 11 ნოემბერს აირჩიეს. მან თანამდებობის დატოვების გადაწყვეტილება უფლებამოსილების ამოწურვამდე სამი თვით ადრე მიიღო.
ბორდის წევრების ნაწილში, ტატიშვილის გადაწყვეტილებამ შეკითხვები გამოიწვია, რაზეც მაღლაფერიძემ განაცხადა: “პიროვნულად ვისაც რამე შეკითხვა აქვს შეუძლია დაუსვას. ადამიანმა დაწერა განცხადება და გადადგა. გასდიოდა ვადა ისედაც, ასე რომ, აქ არ მგონია რაღაცა დიდი ის იყოს. მადლობა გადავუხადე ცხადია.”
კომენტარები