შეერთებულმა შტატებმა თავის მოქალაქეებს მოუწოდა, დაუყოვნებლივ დატოვონ რუსეთი უკრაინაში ომისა და რუსეთის სამართალდამცავი ორგანოების მიერ თვითნებური დაპატიმრების ან შევიწროების რისკის გამო.
მოსკოვში აშშ-ის საელჩოს განცხადებაში ნათქვამია:
“აშშ-ის მოქალაქეები, რომლებიც ცხოვრობენ ან მოგზაურობენ რუსეთში, დაუყოვნებლივ უნდა წავიდნენ.
გამოიჩინეთ გაზრდილი სიფრთხილე უკანონო დაკავების რისკის გამო”.
საელჩო მოქალაქეებს ურჩევს, არ იმოგზაურონ რუსეთში.
აშშ-მ არაერთხელ გააფრთხილა თავისი მოქალაქეები, დაეტოვებინათ რუსეთი. ბოლო ასეთი საჯარო გაფრთხილება იყო სექტემბერში მას შემდეგ, რაც პრეზიდენტმა ვლადიმერ პუტინმა ნაწილობრივი მობილიზაცია გამოაცხადა.
საელჩო ამბობს, რომ რუსეთის უშიშროების სამსახურებმა აშშ-ის მოქალაქეები ცრუ ბრალდებებით დააკავეს, უარი თქვეს სამართლიან და გამჭვირვალე მოპყრობაზე, გაასამართლეს ისინი სანდრო მტკიცებულებების წარდგენის გარეშე.
კომენტარები