აშშ-ის გენერალური პროკურატურა საპრეზიდენტო არჩევნებზე შესაძლო დარღვევებს გამოიძიებს. შესაბამისი განკარგულება აშშ-ის გენერალურმა პროკურორმა უილიამ ბარმა უკვე გასცა.
როგორც „ესოშიეითიდ პრესი“ იუწყება, უილიამ ბარმა ფედერალურ პროკურორებს მიანიჭა უფლებამოსილება, რათა მათ 2020 წლის საპრეზიდენტო არჩევნებზე დარღვევების შესაძლო შემთხვევების შესახებ გავრცელებული ცნობები შეამოწმონ.
აშშ-ის მოქმედმა პრეზიდენტმა „ტვიტერის“ გვერდზე 9 ნოემბერს კიდევ ერთხელ განაცხადა, რომ არჩევნებზე „უპრეცედენტო და უკანონო“ დარღვევები დაფიქსირდა.
შეგახსენებთ, ამერიკულმა და საერთაშორისო მედიამ ჯო ბაიდენი საპრეზიდენტო არჩევნების გამარჯვებულად 7 ნოემბერს გამოაცხადა.
დონალდ ტრამპს არჩევნების შედეგები ჯერ არ უღიარებია. აშშ-ის მოქმედი პრეზიდენტი აცხადებს, რომ შედეგებს სასამართლოში გაასაჩივრებს.
კომენტარები