აშშ-ის დაავადებათა კონტროლისა და პრევენციის ცენტრის (CDC) დირექტორმა, როშელ ვალენსკიმ განაცხადა, რომ კორონავირუსის შემდეგმა ვარიანტმა არსებული ვაქცინები არაეფექტური შეიძლება გახადოს.
„ჩვენ, საზოგადოებრივი ჯანდაცვის სფეროს მუშაკები, შეშფოთებულნი ვართ იმით, რომ რამდენიმე მუტაცია შეიძლება მოხდეს და ვირუსის ძალიან იოლად გადამდები ფორმა გაჩნდება, რომელიც ჩვენი ვაქცინებით უზრუნველყოფილი დაცვის გვერდის ავლას შეძლებს“, – აღნიშნა აშშ-ის დაავადებათა კონტროლისა და პრევენციის ცენტრის დირექტორმა.
როშელ ვალენსკის თქმით, არსებული ვაქცინები ნამდვილად კარგად მოქმედებს მძიმე დაავადებებისა და სიკვდილისგან დაცვის კუთხით.
„თუმცა, ახლა, საბედნიეროდ, ჩვენ ამგვარ სიტუაციაში არ ვართ, ვინაიდან COVID-19-ის არსებული ვაქცინები კარგად მოქმედებს მძიმე დაავადებებისა და სიკვდილისგან დაცვის კუთხითნ“, – განაცხადა მან.
კომენტარები