არც შეწყალება და არც საპროცესო! – ზვიად ცეცხლაძის მამის პასუხი “ოცნებას”

არც შეწყალება და არც საპროცესო, – ასეთია ზვიად ცეცხლაძის მამის პასუხი ყაველაშვილისადმი, რომელიც არ გამორიცავს, რომ აღიარების სანაცვლოდ დაკავებული ახალგაზრდები შეიწყალოს.

ზურაბ ცეცხლაძე პირდაპირ ამბობს, რომ მისი შვილი იბრძის ქვეყნის კეთლდღეობისთვის, ის ამ ბრძოლაში მართალია, ამიტომ ვერანაირ შეწყალებაზე საუბარი ვერ იქნება.

არც შეწყალება და არც საპროცესო, მსგავსი არაფერი არ შეიძლება, განხორციელდეს ზვიადის შემთხვევაში. ზვიადი ცალსახად ჩამოყალიბებულია, მისი იდეაა ეს ქვეყანა, მისი იდეაა ევროპული მომავალი, მისი ბრძოლა არის სამართლიანი, მისი ბრძოლაა სამშობლოსთვის და ის ერთი წუთით არ განიხილავს მსგავს არაფერს. რეალურად, თვითონაც დარწმუნებულები არიან, რომ უდანაშაულო ადამიანებს ევაჭრებიან იმისთვის, რომ აღიარებინონ და თავიანთი პროპაგანდის ქვეშ მყოფი ადამიანების სურვილი დააკმაყოფილონ, რომ აი, მოინანიეს, აი, დამნაშავედ ცნობენ თავს და დამნაშავეები არიან. არცერთი სინდისის პატიმარი ამას არ გააკეთებს, – ამბლბს ზურაბ ცეცხლაძე. 

სინდისის პატიმარი ანდრო ჭიჭინაძე საპატიმროდან გამოგზავნილ წერილში აცხადებს, რომ უარს ამბობს შეწყალებასა და პირობით ვადამდე გათავისუფლებაზე (უდო). მისი თქმით, შესაბამის დოკუმენტებზე ხელი არ მოუწერია და ერთადერთ მისაღებ გამოსავლად მხოლოდ თბილისის სააპელაციო სასამართლოს ობიექტურ და მიუკერძოებელ გადაწყვეტილებას მიიჩნევს.

მიხეილ ყაველაშვილი გადაჭრით ვერ პასუხობს კითხვას, გამოიყენებს თუ არა დისკრეციულ უფლებას და შეიწყალებს თუ არა სინდისის პატიმრებს. ამასთან, “ოცნების” პრეზიდენტი დაკავებული ახალგაზრდებისგან “შეცდომების” აღიარებას ითხოვს.