დედაქალაქის მერი კახა კალაძე აცხადებს, რომ თვითმმართველობის არჩევნებში რა პროცენტიც არ უნდა აიღოს “ქართულმა ოცნებამ” საპარლამენტო არჩევნები მაინც 2024 წელს ჩატარდება.
„როგორც ხედავთ, ჩვენ წინასაარჩევნო კამპანიას ვატარებთ და მაქსიმალურად ვცდილობთ, რომ საზოგადოებას სრული ინფორმაცია მივაწოდოთ სამომავლო გეგმებთან დაკავშირებით. ჩვენ გვსურს, რომ ხალხს გავაგებინოთ, თუ რას გავაკეთებთ, რა გამოწვევები და სირთულეები გვაქვს.
ეს არის ადგილობრივი არჩევნები, ხოლო რაც შეეხება საპარლამენტო არჩევნებს, რა პროცენტიც არ უნდა აიღოს „ქართულმა ოცნებამ“, ის ჩატარდება კონსტიტუციით განსაზღვრულ ვადებში, 2024 წელს. შარლ მიშელის დოკუმენტი, სამწუხაროდ, არ არსებობს“, – განაცხადა კახა კალაძემ.
კომენტარები