“არ უნდა გვითხრათ, რომ ადვოკატი ხართ?” – რატომ არ/ვერ აჯარიმებს პატრული ადვოკატებს?

ადვოკატი, გურამ კონტუაძე, სოციალურ ქსელში, წერს:

“ჯანდაბა ადვოკატობას:

– გამარჯობათ

– გამარჯობათ ბატონო პატრულ ინსპექტორო;

– თქვენი სახელი?

– გურამი ჩემო კეთილო

– ბატონო გურამ პირბადის გარეშე მოძრაობდით და მოგვიწევს დაგაჯარიმოთ;

– თქვენ გაგახარათ ღმერთმა, რამდენი ხანია მაგის გასაჩივრება მინდა და ეხლა კი მოვახერხებ, მშვენიერია;

– თქვენ უნდა დაჯარიმდეთ;

– ვიცი ჩემო ბატონო მაგრამ მაგ მუხლში (42.11) დახურულ სივრცეზეა საუბარი და არა ღია სივრცეზე;

-საჯარო საზოგადოებრივ სივრცის გამო;

– ეგეთი არ წერია თუ გინდა განახებთ?

– შეიძლება თქვენი პირადობა?

– რა თქმა უნდა აგერ აიღეთ მალე დაწერთ?

– დამელოდეთ…

პატრულ ინსპექტორი მივიდა მანქანასთან იქ კი მეორე ზის ველოდები, მეძახიან…

– ბატონო გურამ სად მუშაობთ?

– დამოუკიდებლად ვმუშაობ

– არა პროფესიით ვინ ხართ?

– იურისტი ჩემო კეთილო

– ანუ?

– ადვოკატი ვარ (ჯანდაბა ჩემი ჯარიმა მინდა ბიჯოს);

– შეგიძლიათ თქვენი ადვოკატის მოწმობა გვანახოთ?

– კი და გავუწოდე (თან ვფიქრობ “ადვოკატებს” ორმაგად აჯარიმებენ ანუ ადვოკატებს გვიტყაპუნებენ!)

– ბატონო გურამ მერე არ უნდა გვითხრათ, რომ ადვოკატი ხართ (აი დაახლოებით ისეთ სტილში: მერე არ უნდა თქვა შეჩემა?)

– ვერ

– აგერ თქვენი დოკუმენტები თავისუფალი ხართ…

– მადლობა სამსახურისათვის, ვუთხარი და წამოვედი ეხლა კიდევ ვფიქრობ: ამ ქვეყანას ეშველა ვითომ? ანუ? ერთია მთელი ხმით ვიცინი ამ ისტორიაზე…

არც ქალაქს ვიტყვი არც ეკიპაჟის ნომერს

პ.ს. რომ მეთქვა ანარქისტი ვარ მეთქი რას იზავდა ნეტავ?

პ.ს.ს. only god can judge me-ს ახალი ვარიანტია”