“არ შეიძლება, ერთ ლიტრ ბენზინზე იყოს 80-90 თეთრიანი ფასნამატი“ – ირაკლი ღარიბაშვილი

“არ შეიძლება, ერთ ლიტრ ბენზინზე იყოს 80-90 თეთრიანი ფასნამატი, ამას სჭირდება ძალიან კარგი შესწავლა,” – ამის შესახებ საქართველოს პრემიერ-მინისტრმა, ირაკლი ღარიბაშვილმა მთავრობის დღევანდელ სხდომაზე განაცხადა:

“ჩემი დავალებით კონკურენციის სააგენტომ დაიწყო ნავთობის ბაზრის შესწავლა, თებერვლის ბოლოს წარმოადგენენ საბოლოო სურათს, აქაც ჩვენი ჩარევის შედეგად დარეგულირდა გარკვეულწილად ფასები, მაგრამ დეკემბრის მონაცემებით ვხედავ, რომ არსებობს ძალიან მაღალი მარჟები და მაღალი მოგებით მუშაობენ ნავთობის იმპორტიორები, რაც მიუღებელია. ასე რომ, მინდა მოგმართოთ ბატონო მინისტრებო, დაიბაროთ ნავთობის იმპორტიორები და აქაც მოვახდინოთ გონივრულ ზღვარზე  ფასების ჩამოწევა. არ შეიძლება, ერთ ლიტრ ბენზინზე იყოს 80-90 თეთრიანი ფასნამატი. ამიტომ, ამას სჭირდება ძალიან კარგი შესწავლა.“