„იმაზე უარესი რა უნდა გააკეთოს პოლიტიკურმა ორგანიზაციამ, როცა ჯერ უკანონო ჩანაწერებს აწარმოებს, ხელისუფლებაში ყოფნის დროს, ხოლო წლების შემდეგ იღებს არქივიდან და პოლიტიკური მიზნებისთვის იყენებს“, – ამ სიტყვებით ეხმაურება ექსპერტი ამირან სალუქვაძე მედიასაშუალებაში გავრცელებულ აუდიომასალის, რომელიც, ტელევიზიის მტკიცებით, ბიძინა ივანიშვილის საუბარს ასახავს.
„ფეისბუკ პოსტებით ვიგებ. პრინციპულად არ ვნახავ და ჩემს ხმას მაგათ მკვდარ რეიტინგს არ შევმატებ, სულაც ქამრებიდან რომ ამოხტნენ. დარწმუნებული ვარ, როგორც წინა პოსტში დავწერე, ე.წ. პარტიული ენჯეოები არ შეიმჩნევენ. რაც მეტად ატრიალებთ ბიძინა ივანიშვილს, მეტ სარგებელს მოუტანთ. შკლიაროვი გამოიძახეთ, მეორედ გარიგებთ, მის გარეშე თქვენ შავი პიარი არ გესმით. თუმცა, ვერც იმან გიშველათ. ამ ჩანაწერებით თქვენს წარსულს რომ ახსენებთ ხალხს, იქნებ ვინმემ გირჩიოთ?! 2012 წლამდე გაკეთებული ფარული ჩანაწერების გამოყრის ფონზე, კახა კალაძეს ეძახიან მათ ტვ-ში დებატებზე. ერთმანეთს ედებატეთ, სანამ ჭუჭყიან ეთერს არ გაასუფთავებთ“, – წერს სალუქვაძე სოციალურ ქსელში.
კომენტარები