თბილისის ყოფილი მერი, გიგი უგულავა ხელისუფლებას წინადადებით მიმართავს და საქართველო-რუსეთის რაგბის თამაშის დროს გაერთიანებას სთავაზობს:
„თვალს ვადევნებ სახელმწიფო პროპაგანდას საქართველო-რაგბის თამაშზე შესაძლო პროვოკაციასთან დაკავშირებით. მთავარი პროვოკატორი ასეთ დროს არის ხოლმე ამის მთქმელი ხელისუფლება. ჩვენ საქართველოს მოქალაქეებს დამატებითი “სტიმული” არ გვჭირდება ვანახოთ მომთაბარე ოკუპანტს ჩვენი განწყობა მოედანზეც და მის მიღმაც. ამავე დროს შეუძლებელია ვერ ხვდებოდე რომ დღეს უკრაინა შენი თავისუფლებისთვისაც იბრძვის.
მივიდეთ დინამოს სტადიონზე კვირას 18:00 საათზე ვინ სტადიონზე შიგნით, ვინ გარეთ საქართველოს დროშებით, უკრაინის დროშებით, ევროკავშირის დროშებით, ისე, დროშების გარეშეც შვილებით, შეყვარებულებით; ვუგულშემატკივროთ ჩვენს გუნდს, თავისუფლებას, უკრაინას. ევროპას. ვუგულშემატკივროთ რომ კეთილმა სძლიოს ბოროტს
ძვირფასო მთავრობავ, ყველაზე სწორი გზა ასეთ დროს, რომ “პროვოკაცია თავიდან ავიცილოთ”, არის თქვენივე მონაწილეობა. თქვენც მიიღეთ მონაწილეობა, მერიამ გარეთ ეკრანები დაამონტაჟოს, პოლიციას აღკვეთის კი არა, თანამშრომლობის დავალება მიეცით, თქვენს ამომრჩეველს და პირველად ორგანიზაციებს მოუწოდეთ მოვიდნენ. პოლიციამ აიტანოს პლაკატები. ვიღაცას ხელში შეიძლება ეჭიროს მშია, ვიღაცას #FreeSaakashvili.
ამ დღეს მტერი გვეთამაშება, ამიტომ ყველაფერი ავიტანოთ. ეს ქვეყნისთვისაა კარგი-ერთობას ვაჩვენებთ მტერს. ჩვენგან დამოუკიდებლად ეს თამაში გეოპოლიტიკურ ფოკუსშია. ამასთანავე, ბუნებრივად “აღიკვეთება პროვოკაცია.” ქართული ოცნება / Georgian Dream იფიქრეთ“ – წერს სოციალურ ქსელში უგულავა.
კომენტარები