„ახლა თუ ლომჯარია გამოდის როგორც ბრალმდებელი, მალე ის იქნება ბრალდებული“ – კონსტანტინე მორგოშია

„სამართლიანი მოთხოვნა იქნებოდა, რომ თვითონ ლომჯარია დაეჭირათ იმის გამო, რასაც ის აკეთებს წლების განმავლობაში,” – განუცხადა “ტვ პირველს” მოძრაობა „ალტერნატიული საქართველოს“ ერთ-ერთმა ლიდერმა კონსტანტინე მორგოშიამ.

მისი თქმით, ზურა მახარაძისა და სპირიდონ ცქიფურიშვილის გამოსვლებში ძალადობის მოთხოვნა არ ყოფილა და ყველაფერი დაგეგმილ პროვოკაციას მოჰყვა.„ლომჯარიების მსგავსი პიროვნებების მიერ დაგეგმილმა ანტისახელმწიფოებრივმა პროვოკაციებმა მიგვიყვანა იქ, სადაც მიგვიყვანა.
და ახლა თუ ლომჯარია გამოდის როგორც ბრალმდებელი, მალე ის იქნება ბრალდებული,” -განაცხადა მორგოშიამ.

სახალხო დამცველმა ნინო ლომჯარიამ 5 ივლისის მოვლენებთან დაკავშირებით, პროკურატურას ზურაბ მახარაძისა და სპირიდონ ცქიფურიშვილის მიმართ სისხლის სამართლებრივი დევნის დაწყების მოთხოვნით მიმართა.