“ნაციონალური მოძრაობის” წევრი გია ბარამიძე აცხადებს, რომ ქვეყანაში მომხდარ დანაშაულებსა და უბედურებებზე ხელისუფლება პასუხისმგებლობას ვერ გრძნობს და ცდილობს, ისრები სხვებისკენ გადაისროლოს. ამის შესახებ ბარამიძემ “დღის ამბებში” განაცხადა.
“ჩანს, რომ დაბნეულები არიან და ყველაა დამნაშავე, ოღონდ თვითონ არა. ყველა სხვაა პასუხისმგებელი ასეთ და სხვა უბედურებაზე, ოღონდ თვითონ არა. პანდემია რომაა და ერთ–ერთი პირველები ვართ სიკვდილიანობის კუთხით მსოფლიოში, ეს მათი დანაშაული და პასუხისმგებლობა არ არის, ლარი რომ გაუფასურდა, ხალხი რომ უფრო ღარიბდება, ესეც მათი ბრალი არაა, რომ უსმენდა სუსი და სხვას მოსმენის საშუალება არ აქვს, აქაც მზად არიან ილაპარაკონ, რომ სხვები არიან დამნაშავეები და არანაირ პასუხისმგებლობას არ გრძნობენ,”– აცხადებს ბარამიძე.
ბარამიძე ეხმიანება პარტია “ქართული ოცნების” თავმჯდომარის განცხადებასაც, სადაც მან ყოფილ პრემიერს გიორგი გახარიას “კოკაიშნიკი” უწოდა.
“რა უნდა ვილაპარაკოთ ადამიანებზე, რომლებიც უტიფრად ამბობენ, რომ პასუხისმგებლები არ არიან. ახლა ამბობენ თავის შინაგან საქმეთა მინისტრზე, რომ ნარკომანია. ანუ იცოდნენ ხომ და არანაირ პასუხისმგებლობას არ გრძნობენ. ამ ნარკომანების, ამ არაჯანსაღი ადამიანების ხელშია ქვეყანა,”– აცხადებს გია ბარამიძე.
კომენტარები