ტიციანმა თქვა: ” დავბადებულვარ რომ ვიყო მონა, რომ საქართველოს მედგას უღელიო” -“საქართველოს უღელიო” ბატონებო “ივანიშვილის უღელიო” კი არ უთქვამს?! – წერს სოციალურ ქსელში “კანონი და სამართალის” ლიდერი თაკო ჩარკვიანი. მისი თქმით, ღვთის რისხვაა, როცა უგუნურობის გამო 40 წელია ერთ წრეზე ვტრიალებთ და ვიღაც გვიპირებს “მკვლელობის მონაწილედ” ქცევას.
4 დღის წინ ვნახე ციხეში მესამე პრეზიდენტი, ძალიან საინტერესოდ ვისაუბრეთ წარსულზე აწმყოზე მომავალზე, დიდი ენერგეტიკის მატარებელი მებრძოლი იდეალისტი პილოტიკოსი იჯდა ჩემს წინ, ძალიან მეგობრული საუბარი გვქონდა, მე ვუთხარი: მამუკას რომ ვთხოვდი ( ჩემს ძმას) ისე გთხოვ რომ შიმშილობა შეწყვიტო თქო, რადგან ამ ბრძოლაში თქვენი გამოცდილება, ენერგეტიკა , მაშტაბური ურთიერთობები დასავლეთთან ქართულ სახელმწიფოს სჭირდება თქო , მოკლედ ყველაფერზე ვისაუბრეთ და წარსულიდან საოცარი რამ გაიხსენა-მითხრა: ” 51-ე სკოლაში ბ.ნ ჯანსუღთან შეხვედრა გვქონდა ( მას-ჯანსუღს ეს სკოლა ჰქონდა დამთავრებული) 12 წლის ვიქნებოდი და ჯანსუღის ლექსი ვთქვი სცენაზე” საქართველოვ შენ ვინ მოგცა შვილი დასკარგავი”, ჩამოვედი და ჩამეხუტა ბ.ნი ჯანსუღი, მაკოცა და ძალიან ბედნიერი ვიყავი”, ეს გაიხსენა მიშამ იმ დღეს ჩემთან საუბრისას, ეს გაიხსენა ციხეში გამომწყვდეულმა პუტინის პირადმა პატიმარმა მესამე პრეზიდენტმა სააკაშვილმა …..
ახლა მე ვფიქრობ, ეს რა ღვთის რისხვაა ჩვენს თავზე, რომ მუდამ “დასაკარგავად” ვიმეტებთ შვილებს-ერთმანეთს, ამ უგუნურების გამო ვისჯებით და ერთ წრეზე ვტრიალებთ 40 წელია. ახლა კი ყველაზე უფრო საზარელი შეგრძნება ( ჩემთვის და ბევრისთვის) ეს ის არის ,როცა “ვიღაც” მიპირებს რომ “მკვლელობის მონაწილედ” უსუსურ წარმონაქმნად მაქციოს…… აი ამას არ ვაპატიებ პირველ რიგში არავის. ხოლო ზოგიერთს ” შემოქმედებითად ნებაყოფლობით მონას” შევახსენებდი რომ ტიციანმა რომ თქვა: ” დავბადებულვარ რომ ვიყო მონა, რომ საქართველოს მედგას უღელიო” -“საქართველოს უღელიო” ბატონებო “ივანიშვილის უღელიო” კი არ უთქვამს?!
ჰოდა რას შებმულხართ სამარცხვინოდ ოლიგარქის “უღელში”, მესამე პრეზიდენტის განადგურების შემთხვევაში ხალხის რისხვა ცხვირ -პირით “მოგახნევინებთ” ადგილმამულს და ისე გადაგდენით იმ მამულიდან საძოვრად რომ გადაგიქცევიათ!!!!!-წერს თაკო ჩარკვიანი.
კომენტარები