ალეკო ელისაშვილის საქმის გამოძიება, სავარაუდოდ, სუსმა გადაიბარა. ინფორმაცია ამის შესახებ “ტვ პირველმა” გაავრცელა. ტელეკომპანიის ინფორმაციით, მათ ამის შესახებ ინფორმაცია დიღმის იზოლატორში მისულმა ადვოკატმა მიაწოდა. ინტერესების დამცველი ახლა დაკავებულ პოლიტიკოსს ხვდება.
“ის ორგანო, რომელიც იძიებდა აღნიშნულ საქმეს, აღარ იძიებს და გადაეწერა ე.წ. სუსს. არ ვიცი, ვვარაუდობ, რომ შესაძლებელია, მუხლი გადაკვალიფიცრდეს. ახლა შევდივარ, გავეცნობი ბრალის დადგენილებას და მერე შემიძლია, რომ დამატეით მოგაწოდოთ ინფორმაცია, რას ედავებიან კონკრეტულად და რომელი მუხლით. ახლა შევხვდები გამომძიებლებს, პროკურორს და გავარკვევ დეტალებს”, – თქვა ადვოკატმა.
სუსში ამ ფაქტს უარყოფენ და აცხადებენ, რომ საქმეს გენერალური პროკურატურა იძიებს.
კომენტარები