,, ადამიანი არის ჩვეულებრივი დადასტურებული ოსტაპ ბენდერი, რომელიც მაქინატორობს და მანიპულირებს რაღაც აზრებით ადამიანის” – პაპუაშვილი ბაჩიაშვილზე

შალვა პაპუაშვილი გიორგი ბაჩიაშვილის ცემის ფაქტს ასე ეხმაურება:

,,ადამიანმა მილიარდი დოლარის თაღლითობა ჩაიდინა. შემდეგ ოსტაპ ბენდერის გაქნილობით მანქანა გადააკეთა, შიგნით სამალავი გააკეთა და საქართველო დატოვა ასე. ანუ ადამიანი არის ჩვეულებრივი დადასტურებული ოსტაპ ბენდერი, რომელიც მაქინატორობს და მანიპულირებს რაღაც აზრებით ადამიანის.

ასე რომ, რა თქმა უნდა, მისი განცხადებების მიმართ ნდობა არის ძალიან დაბალი. მოვისმინეთ ჩვენ განცხადება პენიტენციური სამსახურისა, ამას გარდა მოკვლევა არის დაწყებული იმისთვის, რომ დადგინდეს მაინც დეტალები, რასთან გვქონდა საქმე. ვნახეთ, რომ მის განცხადებაშივე იყო თაღლითობა ჩადებული. თქვა თითქოს, რომ ის სამარტოო საკანში იყო მთელი ეს პერიოდი, რაც არის ტყუილი და ამაზე თქვა პენიტენციურმა სამსახურმა, რომ ის არის საკანში, სადაც 4 ადამიანი თავსდება და სხვადასხვა დროს მასთან, სხვადასხვა პატიმრებთან ერთად იყო. ასე რომ, ნუ რა გითხრათ ახლა, ოსტაპ ბენდერის სიტყვა არ დაიჯერება.”