დღეს პარლამენტში სახელმწიფო უსაფრთხოების სამსახურის ყოველწლიურ ანგარიშს მოუსმენენ. 2020 წლის მოხსენებით უწყების ხელმძღვანელის პირველი მოადგილე ალექსი ბატიაშვილი სამი კომიტეტის გაერთიანებულ სხდომაზე წარდგება.
საქართველოსთვის მთავარ საფრთხედ და გამოწვევად ამჯერადაც რუსეთის მხრიდან ოკუპაცია სახელდება. დოკუმენტში აღნიშნულია, რომ გასულ წელს უკანონო დაკავების 80-მდე შემთხვევა დაფიქსირდა. მოხსენებაში ყურადღება გამახვილებულია ზაზა გახელაძესა და ირაკლი ბებუაზე, რომელთაც საოკუპაციო რეჟიმმა ხანგრძლივი უკანონო პატიმრობა მიუსაჯა.
ანგარიშში მოყვანილია სუს-ის კონკრეტული ქმედებები, რომელიც უწყებამ საქართველოს ინტერესების დასაცავად გაატარა. ასევე აღნიშნულია, რომ საქართველო, ტერორიზმის ზეგავლენის კუთხით, კვლავ ძალიან დაბალი რისკის ქვეყნებს შორის მოხვდა.
კომენტარები