მეხანძრე-მაშველები, ბორჯომში, უცხოეთის ორ მოქალაქეს დაეხმარნენ.
„შინაგან საქმეთა სამინისტროს საზოგადოებრივი უსაფრთხოების მართვის ცენტრ 112-ში შემოვიდა ინფორმაცია, რომ ბორჯომში, გოგიას ციხის მიმდებარედ მყოფ ტურისტებს ესაჭიროებოდათ მაშველების დახმარება. დიდი ბრიტანეთისა და ეგვიპტის მოქალაქეები ციხის მიმართულებით ფეხით გავიდნენ, თუმცა რთული რელიეფის გამო, უკან დაბრუნება ვეღარ მოახერხეს. შეტყობინებაზე რეაგირება უმოკლეს დროში მოახდინეს საგანგებო სიტუაციების მართვის სამსახურის თანამშრომლებმა” – აცხადებენ საგანგებო სიტუაციების მართვის სამსახურში.
მეხანძრე-მაშველებმა, გოგიას ციხის მიმდებარედ, ორი მოქალაქე იპოვეს და უსაფრთხო ადგილას უვნებლად გამოიყვანეს.
საგანგებო სიტუაციების მართვის სამსახური განცხადებით, მათ სიცოცხლესა და ჯანმრთელობას საფრთხე აღარ ემუქრება.
კომენტარები