მეგი ბაქრაძის გარდაცვალების საქმესთან დაკავშირებით ახალი გარემოებები იკვეთება. სამართალდამცველები ადგილობრივ ფარმაცევტებს იმ პრეპარატის შესახებ ჰკითხავენ, რომელსაც ახალი ვერსიით გარდაცვლილი ექთანი იღებდა.
ჰქონდა თუ არა ფეხმძიმობის დამასრულებელი პრეპარატი მიღებული ექთანს და რა გავლენა შეიძლებოდა ჰქონოდა მას მეგი ბაქრაძის გარდაცვალებაზე, ამ საკითხზე “ფორმულამ” სიუჟეტი მოამზადა.
ტელეკომპანიის ინფორმაციით მესამე დღეა აქტიური საგამოძიებო სამუშაოები მიმდინარეობს.
“ეს პრეპარატი საერთოდ არ გვაქვს, რომელზეც გვეკითხებიან. მუცლის მოსაშლელ წამალზეა ლაპარაკი. მაგრამ არ ვიცი. ზოგადად ეგ პრეპარატი კუჭის ტკივილის დროს გამოიყენება, მაგრამ ცნობილია რომ ზოგჯერ იყენებენ მაგ მხრივ”, – აცხადებს ერთ-ერთი აფთიაქის ფარმაცევტი.
გამოძიება ვარაუდობს, რომ მეგი ბაქრაძემ აცრამდე სწორედ ორსულობის შეწყვეტისათვის საჭირო პრეპარატი მიიღო, რამაც ვაქცინაციის წინა დღეს მედდის ჯანმრთელობის მდგომარეობა გააუარესა.
დაღუპულის ოჯახის წევრები ამბობენ, რომ ეს ვერსია აბსურდულია. ისინი პასუხისმგებლობას კლინიკის პერსონალს აკისრებენ.
კომენტარები