ჟურნალისტი ვახო სანაია მასზე თავდასხმის შემდეგ ჩატარებული ექსპერტიზის დასკვნას აქვეყნებს და თავდამსხმელების ადვოკატებსა და ნათესავებს ტყუილში ადანაშაულებს.
მისი თქმით, ეს ადამიანები ცდილობენ საზოგადოებას დააჯერონ, რომ კონფლიქტის შედეგად მას დაზიანებები არ მიუღია და უბრალო წაკამათება იყო.
“სულ არ მსიამოვნებს ამ ტექსტის გამოქვეყნება, მაგრამ რადგან ყველანაირი ტყუილი იკადრეს უკვე, საჭიროდ მიმაჩნია. ეს სამხარაულის სახელობის ექსპერტიზის ეროვნული ბიუროს დასკვნაა. აქ წერია შავით თეთრზე, რაც იყო.
ერთ-ერთი წარმოუდგენელი ტყუილი, რომლის შეჩეჩებასაც საზოგადოებისთვის ბრალდებულების ადვოკატები, ნათესავები, უცნობი, ხელისუფლების ტროლები ცდილობენ, ისაა თითქოს არანაირი დაზიანება არ მიმიღია და უბრალო წაკამათება იყო. აქვე მეორე კომიკურ ტყუილზეც ბარემ: ,,ბავშვები” – ორი მათგანი 33 წლისაა, ერთი კი – 28 წლის. ცნობისთვის მე 35 წლისა ვარ. მეც ბავშვი ვყოფილვარ”, – ნათქვამია ვახო სანაიას პოსტში.
კომენტარები