ჩვენ ვთვლიდით და ვთვლით, რომ ამ ფორმით, ეს დოკუმენტი ვერ აღმოჩნდება ადეკვატური საფუძველი კრიზისიდან რეალურად გამოსასვლელად, – ამის შესახებ “ევროპული საქართველოს” ლიდერმა გიგა ბოკერიამ განაცხადა.
ბოკერიას თქმით, “ევროპული საქართველო” როგორც საპროტესტო გამოსვლებისთვის, ასევე ვადამდელი არჩევნებისთვისაც ემზადება.
“კრიზისი იყო პოლიტიკური დევნა და ამაზე უარი უნდა თქმულიყო პოლიტპატიმრების გათავისუფლებით და უნდა ყოფილიყო ძალიან მკაფიო გაკვეთილი, რომ ხელისუფლებას ეს არ გაუვიდა. ამასთან, უნდა მივსულიყავით ვადამდელ არჩევნებამდე, თუნდაც გონივრული კომპრომისით, რომელიც ჩვენ შევთავაზეთ პლებისციტის სახით. ჩვენ მოქალაქეებთან აქტიური ინტერაქციას და მზადებას ვაპირებთ, როგორც საპროტესტო გამოსვლებისთვის, ისე ვადამდელი არჩევნებისთვის”, – განაცხადა გიგა ბოკერიამ.
კომენტარები