უსიმპტომო კოვიდის დროს, ვაქცინაცია არ წარმოადგენს უკუჩვენებას

უსიმპტომო კოვიდის დროს, ვაქცინაცია არ წარმოადგენს უკუჩვენებას – ხათუნა ზახაშვილი

დაავადებათა კონტროლის ეროვნული ცენტრის გადამდებ დაავადებათა ცენტრის ხელმძღვანელმა ხათუნა ზახაშვილმა თქვა:

„კორონავირუსის კლინიკური ნიშნის გამოხატვისას, მისი გამოვლენა და აღმოჩენა შესაძლებელია სამედიცინო პერსონალის მიერ იმ კითხვარით და მათი ცოდნის შესაბამისად, რომელიც გააჩნია ჩვენს პერსონალს, შეიძინა, ჰქონდა და კიდევ უფრო გაიღრმავა კოვიდის ნიშნების ამოცნობაში და მერწმუნეთ, თუ ადამიანს აქვს კოვიდინფიცირება და მას აქვს დაწყებული რაიმე კლინიკური ნიშანი, ჩვენი სამედიცინო პერსონალი შეძლებს მის იდენტიფიკაციას.

მეორე ვარიანტია, რომ შეიძლება იყოს უსიმპტომო კოვიდი, რაც რეალურად, მართლაც იშვიათი მოვლენაა და არ არის ისე გახშირებული. ნუ წარმოვიდგენთ, რომ ეს ხშირი მოვლენაა. უსიმპტომო კოვიდის დროს, აცრა არ წარმოადგენს უკუჩვენებას, შესაძლებელია აცრა და ასეთ ადამიანებში ჩამოყალიბდება კარგი, ნორმალური იმუნიტეტი, ხოლო კოვიდის ვაქცინა ვერ დაამძიმებს თვითონ დაავადება კოვიდის მიმდინარეობას, თუნდაც მისი კლინიკური ნიშნები გაჩნდეს მოგვიანებით, რადგან არც ერთი ვაქცინა, რომელიც გამოიყენება ჯერჯერობით მთელს მსოფლიოში კოვიდის წინააღმდეგ, არ შეიცავს კორონავირუსის ცოცხალ ეგზემპლარებს, შესაბამისად, მათ უბრალოდ არ შეუძლია გამოიწვიონ კოვიდის კლინიკური ნიშნები ან კოვიდით დაავადება.“

https://www.alia.ge/%e1%83%97%e1%83%a3-%e1%83%90%e1%83%93%e1%83%90%e1%83%9b%e1%83%98%e1%83%90%e1%83%9c%e1%83%a1-%e1%83%9b%e1%83%98%e1%83%9b%e1%83%93%e1%83%98%e1%83%9c%e1%83%90%e1%83%a0%e1%83%94-%e1%83%99%e1%83%9d/

თეგები: ხათუნა ზახაშვილი