“ლაივს უღებდნენ როგორ ხტებოდა 15 წლის გოგო მეცხრე სართულიდან…” – გარდაცვლილის ოჯახი

აფრიკის დასახლებაში გარდაცვლილი 15 წლის მოზარდის ოჯახი დარწმუნებულია, რომ გოგონამ თავი არ მოიკლა და ის კორპუსის სახურავიდან გადმოაგდეს. ამ ეჭვს ოჯახის წევრებს ისიც უმყარებს, რომ არასრულწლოვანის ქურთუკი და ფეხსაცმელები ლიფტში იყო, გოგონას ცხედარი კი მიწაზე ზურგით დავარდნილი იპოვნეს. ოჯახი ვარაუდობს, რომ მოზარდს ლიფტში გაუსწორდნენ.

ოჯახი თქმით, გამოძიებამ მათ უთხრა რომ ნაპოვნია 15 წლის გოგოს წერილიც, თუმცა, წერილს არ აჩვენებენ.

“ოჯახი მდგმურად სადაც იყო, იქიდან მოშორებით იყო წვეულებაზე. არ ეცვა ქურთუკი, ფეხსაცმელები და ასე ავიდა მეექვსე სართულიდან მეცხრე სართულის სახურავზე, იქ იყო ხალხი და უღებდნენ ლაივს, დარეკეს პატრულში. სანამ პატრული მოვიდა, ლაივი უკვე წაშლილი იყო. გვაქვს ეჭვი, რომ საქმე ეხება არა სუიციდს, არამედ სუიციდამდე მიყვანას ან მკვლელობას. ბავშვი ზურგით იყო დაცემული, ძვლებშია დამტვრეული და კეფა აქვს ჩატეხილი. სახე არ აქვს დაზიანებული. არ გამოვრიცხავ, რომ კონფლიქტი მოსვლოდა ვინმესთან – გოგოებთან ან ბიჭებთან” – განაცხადა გარდაცვლილის ნათესავმა.