ჯანდაცვის მინისტრი სასჯელაღსრულების დაწესებულების ექთნის ამბავს გამოეხმაურა. რომელსაც კორონავირუსი “ასტრაზენეკას” ვაქცინის გაკეთების შემდეგ დაუდასტურდა გამოეხმაურა.
როგორც ტიკარაძე ამბობს, მედდას კორონავირუსი ვაქცინის გაკეთებამდე ჰქონდა, თუმცა PCR ტესტის პასუხი ორი დღით დაგვიანდა. ჯანდაცვის მინისტრმა ამის შესახებ საჩხერის საავადმყოფოში ვაქცინის გაკეთების შემდეგ ისაუბრა.
“აღნიშნულ მედდას ტესტი ჩატარებული ჰქონდა ვაქცინაციამდე, რაც მიუთითებს იმას, რომ მას კოვიდინფექცია ჰქონდა ვაქცინაციამდე. ჩემთვის ცნობილია, რომ მას ჰქონდა გაკეთებული PCR ტესტი და ეს პასუხი მოვიდა დაგვიანებით, ორი დღის შემდეგ. ჩვენ არ გვაქვს ჯერჯერობით რეკომენდაცია, იმის შესახებ, რომ ვაქცინაციამდე სავალდებულოა ტესტის ჩატარება”, – ამბობს ტიკარაძე.
სასჯელაღსრულების დაწესებულება კი აცხადებს, რომ მედდას 15 მარტს ჩაუტარდა PCR ტესტი და პასუხი უარყოფითი იყო. 19 მარტს ვაქცინა გაიკეთა, 20 მარტს კი კორონავირუსი დაუდასტურდა.
კომენტარები