გარდაცვლილი ექთნის, მეგი ბაქრაძის საქმეზე, პოლიციაში გამოკითხვები, სავარაუდოდ, დღესაც გაგრძელდება. ოჯახი ახალგაზრდა ექთნის გარდაცვალებაში კლინიკა „იმედს“ ადანაშაულებს. ოჯახი ფიქრობს, რომ ექიმებმა მას პირველადი სამედიცინო ღონისძიებები დროულად არ ჩაუტარეს, რამაც მძიმე შედეგი დააყენა. კლინიკაში, კი აცხადებენ, რომ ახალგაზრდა ქალის გადასარჩენად ყველაფერი გაკეთდა.
კლინიკიდან ამოღებულია ყველა საჭირო მასალა და დოკუმენტაცია, ასევე – კლინიკაში დამონტაჟებული კამერების ჩანაწერებიც. საქმეს შინაგან საქმეთა სამინისტრო იძიებს. პარალელურად, ექთნის გარდაცვალების ფაქტს რეგულირების სააგენტოც სწავლობს.
27 წლის ქალს სამშაბათს, 23 მარტს დაკრძალავენ.
კომენტარები