„სამწუხაროდ, ბევრი პოლიტიკური პარტიის პირველი პირი, ლიდერი ვერ დავინახე რუსთაველის გამზირზე, ეს ჩემთვის დასანანია“, – ამის შესახებ „ნაციონალური მოძრაობის“ თავმჯდომარემ ნიკა მელიამ განაცხადა.
ოპოზიციონერმა ლიდერმა საზოგადოებას მიმართა და მოუწოდა, რომ 15 მაისს დაანონსებულ საპროტესტო აქციაზე მოვიდნენ.
„ვუყურე მე ამ დაანონსებას და პირველ რიგში დიდი მადლობა კიდევ ერთხელ ყველა ოპოზიციურ პარტიას. გულით დამწყდა, რომ იქ ყველა ოპოზიციური პარტიის ლიდერი ვერ დავინახე. არადა მნიშვნელოვანი თარიღი იყო. კარგი დასაწყისი არის საწინდარი, კარგი დასასრულის.
სამწუხაროდ, ბევრი პოლიტიკური პარტიის პირველი პირი, ლიდერი ვერ დავინახე რუსთაველის გამზირზე, ეს ჩემთვის დასანანია. უკეთესი გამოსავალი, გარდა იმისა, რომ საზოგადოებამ ხმა აიმაღლოს და საერთაშორისო საზოგადოება ჩვენ, ოპოზიციას დაგვეხმაროს, რომ საწადელი მივიღოთ.
მაისის ამ კონკრეტულ დღეს არ გვექნება. მე მინდა საზოგადოებას ვთხოვო, რომ ყველამ გავიაზროთ ეს არაა ბრძოლა, რომელიმე პოლიტიკური პარტიის და ლიდერის, ესაა ბრძოლა ქვეყნის მომავლის საკეთილდღეოდ, – განუცხადა „მთავარ არხს“ ნიკა მელიამ.
ინფორმაციისთვის, ოპოზიციური პარტიები პროტესტის უწყვეტ რეჟიმზე გადავიდნენ. ამასთან, ოპოზიციამ 15 მაისს რუსთაველის გამზირზე მასშტაბური საპროტესტო აქცია დაანონსა.
„ნაციონალური მოძრაობის“ პოლიტსაბჭოს წევრის ზაალ უდუმაშვილის თქმით, 15 მაისამდე დედაქალაქსა და რეგიონებში საპროტესტო აქციები გაგრძელდება.
კომენტარები